सुभाषितम् - अतिपरिचयादवज्ञा

अतिपरिचयादवज्ञा इति यद्वाक्यं मृषैव तद्भाति।

अतिपरिचितेऽप्यनादौ संसारेऽस्मिन्न जायतेऽवज्ञा ॥

अन्वयः-

 “अतिपरिचयाद् अवज्ञा” इति यद् वाक्यं तद् मृषा एव भाति। अतिपरिचिते अपि अनादौ अस्मिन् संसारे अवज्ञा न जायते ॥

भावानुवादः-

     --“परिचयातिरेकेन अवज्ञाभाव उत्पद्यते” इति यद्वाक्यमस्ति, तदसत्यं प्रतिभाति; सुष्ठुपरिचिते अपि आदिहीने एतस्मिन् जगति तु अनादरो न प्ररोहति ।

हिन्दी-अनुवादः-

   --“अति परिचय से अवज्ञा होती है” ऐसा जो वाक्य है, वो झूठ जान पड़ता है; क्योंकि अतिपरिचित तथा अनादि इस संसार के विषय में लोगों को अनादर या तिरस्कार उत्पन्न नहीं होता है।